پسوند «ئه/ئی» در زبان گیلکی و کاربردهای آن
⚡️ «ئه/ئی» پسوند گیلکی مئن ؤ اۊنی کاربردان:
۱. معرفه
- دیرۊزؤن مهیار بۊمأ بؤ!
+ مهیار کمتانه؟
- مهیارئه د!
(مهیارئه/مهیارئی: مهیاری که آمۊ شینأسنیم)
۲. تحبیب
- آخ می جؤنِ دیلی مهیارئه... چندی تۊ خۊشمزه هیسی!
(مهیارئه: مهیاری که دۊس‌داشتنی هیسه)
۳. تحقیر
- تۊ هرچی وکی هنده هۊ زکن مهیارئه هیسی.
(مهیارئه: مهیاری که کۊچِ آدمئه هیسه)
ای پسوند وختی که کلمه مصوتء مختۊم ببۊن، یه‌پاره گۊیشانِ دل «أی» ؤ «ؤی» شکلی نی واگؤئه بۊنه.
مثال پاشاکی گیلکی جی:
- خاله‌أی خؤنه ایسأ.
- لاکۊئی کلاس چنده؟
چندته مثال مفعۊلی ؤ اسنادی حالات ٚ مئن:
🔰 مفعۊلی
فؤمنِ گیلکی:
- امیرأ بیدیش؟
+ کأ أمیر؟
- «امیرک‌أ» گۊئم.
پاشاکی گیلکی:
- «لاکۊئکء» کلاس چند سرأدأی؟/
- «لاکۊؤی» کلاس چند سرأدأی؟
سیاکؤلؤرۊدِ گیلکی:
- أمی «کرکئه‌یه» ناخۊشی بئیته./
- أمی «کرکئکء» ناخۊشی بئیته.
🔰 اسنادی:
- حسنئکه د برأ، چیته نیشنأسنی!
(حسنئه هیسه » حسنئکه/ حسنئه یه)
- این هۊ کرکئکه.
(کرکئه هیسه » کرکئکه/ کرکئه یه)
(ممکنه ای «ئک» اولیه صۊرت ببۊ که ای حالات ٚمئن حفظ بؤبؤ بۊن.)
